|
|
|
|
|
|
||
一. 頭前先尊敬無死个神明，照法律个命令。
二. 接著，敬畏你所發个咒誓。
三. 後來是彼个充滿良善kap光个有名英雄。
四. 彼時，尊敬地上个精靈，kap對伊們表示應有个尊敬。
五. 接著尊敬你个老父老母，kap你全家族个成員。
六. tī別人當中，選上蓋有智慧kap有德行个做朋友。
七. 利用伊們溫和个言語，kap學習伊們實用kap有德行个行為。
八. M̄-koh m̄-thang vì一寡仔錯誤就放捒你个朋友。
九. In-ūi權力是受著必要性个限制。
十. ē-kha个話愛足嚴重看待: 你著愛面對kap戰勝情慾。
十一. 頭前是貪食，接落來是懶惰、色慾kap怨恨。
十二. M̄-thang kap別人做伙，也m̄-thang家己一个人做，做予你會見笑个代誌。
十三. Koh尤其，尊敬你家己。
十四. 用你个行為kap言語實行公義。
十五. Kap建立永遠m̄-thang無思考就行動个習慣。
十六. M̄-koh愛常常記得一項事實，就是死ē臨到所有个郎。
十七. Kap世間上个好代誌是無一定个，親像ē-tàng得著，也ē-tàng失去。
十八. 用忍耐kap無抱怨來承受你个份，無論是啥。
十九. 承受神明所決定个命運丟 tī人類个身上个痛苦。
二十. M̄-koh愛盡可能努力來減輕你个痛苦。
二十一. Kap記得命運m̄-sī會送足濟災難予好人。
二十二. 郎所想kap所講个，變化足濟; 今仔是好代誌，下一刻是歹代誌。
二十三. 所以，m̄-thang青暝青暝接受你所聽著个，也m̄-thang趕緊來反對伊。
二十四. M̄-koh若有人講假話，就溫柔个退後kap用忍耐來武裝家己。
二十五. tī所有个場合，忠實个完成我今仔日kap你講个。
二十六. M̄-thang予任何人，用言語kap行為，
二十七. 導引你去做出kap講出對你上m̄-sī上好个代誌。
二十八. tī行動進前愛思考kap熟慮，為著m̄-thang去犯愚蠢个行為。
二十九. In-ūi無思考就行動kap講話是可憐郎个特徵。
三十. M̄-koh做彼个代誌，是後來m̄-ē予你心憂kap m̄-ē予你後悔个。
三十一. M̄-thang做你無能力了解个代誌。
三十二. M̄-koh愛學習需要知道个知識; 按呢，你个生活ē-sái是幸福个。
三十三. 絕對m̄-thang放捒身體个健康。
三十四. M̄-koh愛用節制來予伊食物，必要个運動kap予你个心靈休息。
三十五. 我用 '節制' 這句話是想beh講，愛避免走極端。
三十六. 養成一個端正kap純潔个生活，無色慾个習慣。
三十七. 避免所有會引起嫉妒个代誌。
三十八. Kap m̄-thang過頭。親像一个知影啥物是光榮kap端正个郎來生活。
三十九. M̄-thang受著貪婪kap吝嗇个驅使來行動。 tī所有這寡代誌中，使用公道个分寸是上好个。
四十. 只做彼寡m̄-ē傷害你个代誌，kap tī做進前愛做決定。
四十一. 當你睏落去个時，絕對m̄-thang予睏近你个攰目睭，
四十二. 除非你已經用你上懸个良心來複查你 tī 彼日个所有行為。
四十三. 問：「我 tī 佗位做錯? 我 tī 佗位行動正確? 我放捒啥物責任無完成？」
四十四. 為著你个錯誤自責，為著成功歡喜。
四十五. 完整个實行所有這寡建議。好好个思考伊們。你著愛全心全意愛伊們。
四十六. 伊們就是ē放你 tī 神聖德行个路上个。
四十七. 我用彼个將神聖四元體傳予咱个靈魂个存在來咒誓。
四十八. 彼個本性个源頭，伊个演變是永恆个。
四十九. tī 求神明个祝福kap幫助進前，絕對m̄-thang開始一項任務。
五十. 當你予所有這寡變成習慣个時，
五十一. 你ē知影無死个神明kap郎个本性，
五十二. 你ē看著眾生之間个多樣性到啥物程度，kap彼个容納伊們kap維持伊們 tī 統一中个代誌。
五十三. 彼時你ē照公義看著，宇宙个本質 tī 所有个代誌中攏是仝款个。
五十四. 按呢，你ē m̄-thang慾望你 m̄-thang慾望个代誌，kap tī 這个世間上無任何代誌是ē予你 m̄-知个。
五十五. 你ē發覺著郎是自願kap用家己个自由選擇，將家己个不幸丟 tī 家己个身上。
五十六. 伊們有外無幸福！伊們看m̄-tio̍h，也m̄-liau-kái伊們个福氣 tī 伊們个身邊。
五十七. 誠少郎知影按怎對伊們个痛苦中解放家己。
五十八. 這就是命運个重量，予人類變青暝。
五十九. 人類 tī 無盡个痛苦中，一直繞圈圈，行來行去，
六十. In-ūi伊們有黑暗个伴侶 tī 鬥陣，就是伊們之間致命个不合，伊們予伊們丟上丟落，伊們也無發覺著。
六十一. 謹慎个處理，絕對 m̄-thang去激起不和，m̄-koh愛逃避伊！
六十二. 喔，咱个天父神明，將伊們全部對遮爾大个痛苦中救出來。
六十三. 予每一个人看著導引伊們个精靈。
六十四. M̄-koh，你m̄-thang驚，in-ūi人類是屬於一個神聖个種族。
六十五. Kap聖潔个本性 ē將所有个代誌顯明kap顯示予伊們看。
六十六. 若伊將伊个秘密傳達予你，你ē輕鬆个實行我建議你个所有代誌。
六十七. Kap tī治療你个靈魂个時，你ē將伊對所有這寡罪惡kap痛苦中解放出來。
六十八. M̄-koh愛避免彼寡對靈魂个淨化kap解放無好个食物。
六十九. 好好个評估所有个代誌，
七十. 愛常常用彼个應該引導所有代誌个神聖理解來引導家己。
七十一. 按呢，當你放捒你个肉體kap tī 以太中昇高个時，
七十二. 你ē是無死kap神聖个，你ē有完全个圓滿kap m̄-ē koh再死。
|