|
|
|
|
|
|
||
الإعتبارات دي معموله لوقت السلم و البحث المشترك للتطور و الوعي.
الجوهر:
١. البني آدم من حقه إنه يزرع بحرية الإيمان، الدين و الروح بتاعه، على أساس التراث.
٢. تشجيع اللغات المحلية و التقليدية و توحيد البني آدميين عن طريق لغه حديثة و سهلة، كونية، مش ملك لأي شعب أو بلد بس ملكية مشتركة للإنسانية، و اللي تتيح تجميع المعرفة البشرية عبر الأزمان.
٣. البحث عن الحقيقة، الجمال و العدل، بحكمة و عقل، مع إحترام التراث و التناغم مع الطبيعة، الفردية السليمة، الروح و الكون.
٤. البني آدم محتاج يكبر فى نواة توفر الإحتياجات الأساسية، الإحترام، الفن، الرياضة، الدين و أنشطة تبعده عن الجهل، المرض و المعاناة، مع إحترام مميز للأطفال، لحد ما يوصلو للسن القانوني و الوعي بتاع الكبار.
البلاد:
٥. الحقوق الشخصية و الواجبات الإجتماعية لازم تكون فى توازن، و فلوس الدولة هي فلوس ناس بتشتغل و بتنتج للصالح العام، و لازم حكامها و قضاتها يتساءلو و يتحملو مسؤولية إستخدام الموارد دي بشدة.
٦. البلاد هي حدود وقتية بتمثل مجموعات بشرية متجمعة و لازم تتوجه لتوفير الكرامة، الحرية و النظام لمواطنيها من غير قوانين ملهاش لازمة، تجاوزات و إمتيازات.
٧. القائمين على الحكم، سواء كانو ملوك، رؤسا، مستشارين، وزرا، ساسه، قضاه و قادة عسكريين للبلاد، و أي شخص عنده وظيفة جماعية ضرورية لتنظيم شعبه، مينفعش يكون عندهم إمتيازات أو مرتبات عاليه و لازم يتشالو بأقل دليل للفساد، و العقوبات تتضاعف. كل ما كان النفوذ الجماعي أكبر، كل ما كانت المسؤولية أكبر و العقوبة أكبر.
٨. الدول دايما محتاجه تحسينات فى آلياتها و مراكزها عشان تكون مفيده للمواطن.
٩. البلاد لازم تحافظ على روح الصداقة، التسامح و الإحترام، و النزاعات اللي مش ممكن تتحل بالتبادل و الدبلوماسية لازم تتقدم لمحكمة دولية مكونة من قضاه أمناء و معترف بيهم من بلاد مستقرة مختلفة.
المصير المشترك:
١٠. الكون بطئ و مستمر، و مرور كل واحد وقتي، و كذالك شغله، و إحترام حرية كل جوهر هو القانون.
المانيفيستو ده حي و هيتراجع من وقت للتاني، بالوعي و البحث عن الحكمة.
|